Хөвсгөл далай Tourist

Хөвсгөл нуур нь дэлхийн хамгийн эртний бөгөөд үзэсгэлэнт нууруудын нэг. Олон мянган жилийн тэртээгээс нүүдэлчин овог аймгууд “Хөх Сувд”-ны үзэсгэлэнг бишрэн шүтсээр иржээ. Хөвсгөл нуур нь 136 км урт, 20-40 км өргөтэй, 260 орчим метр гүн, эргийн шугамын урт 414 км бөгөөд Монгол орны цэвэр усны нөөцийн 70 орчим хувь, дэлхийн цэвэр усны нөөцийн 1 хувийг бүрдүүлдэг. Нуураас зөвхөн Эгийн гол эх авч Сэлэнгэ мөрөнтэй нийлэн Байгаль нуурт цутгадаг.